KYLLA JAKA SHANGKAI PYNGNGAD KA SUROK RIM HA PUNG UMIAM
KYLLA JAKA SHANGKAI PYNGNGAD KA SUROK RIM HA PUNG UMIAM
#Subscribe to U Nongpathai for more news update.
Na ka bynta ki khubor jong phi sngewbha phun sha ngi:
Ri Bhoi: 9612815584/9366200259
Shillong: 8794289019/6009584272
Lane phi lah ban email sha ngi: unongpathai5858@gmail.com
Office jong ngi: Synod Complex Building, Nongpoh, Room No. 6
Nongpoh 23 Jymmang 2023
Namar ka jingtyrkhong jong ka mariang bad ka jingbym pat hap slap, ka um ha pung umiam ka lah nanghiar bad ki lum kiba la tap da ka um baroh shi kattu ki la mih mynta, bad kaba kham heh nangta ka dei ka jingmih jong ki surok kiba rim kiba lah shna haki por kiba ym pat shna ia kane ka dam. Ha kine ki khyndiat sngi ki lah bun bha ki nongring video bad kiba leit shondur bad la saphriang haki social media. Bad lah ruh ban ong shikyntien ba ka jingmih jong ka surok barim bad kitei ki lum ka la kylla long ka jaka jngohkai pyrthei, namar ym pat ju da jia koit ba ka um kan hiar haduh kat ban mih katei ka surok rim.
Haba ioh ban iakren bad katto katne ki paralok na Shillong bad na Joawai bad kumjuh ruh na Nongpoh kiba la wan ban leitkai pyngngad ban ioh leit sakhi ia katei ka jinghiar ka um ha pung umiam ki la ong ba ki don artylli kiei kiei hangne ha pung umiam, ka jinghiar ka um ka pynduhnong ba hap mad iaka jinglip light, hynrei ka jinghiar ka um haduh katne pat ka pyniohlad iaki ban iohi ia kine ki jaka kiba la shah tap da ka um.
Ki trai shnong ki ong ba lehse lada kane ka jingtyrkhong kan dang bteng bad u slap ruh um hap yn sa lah ban iohi ia kawei ka jingkieng rim kaba don kham shapoh. La ong ba haki por kiba ym pat shna ia katei ka dam ka don ka iew kaba la tip kum ka iew khwan ha kaba ki briew ki ia die kia iathied bad suki suki ynda haba lah sdang dap ka um ki briew kiba sah ha kitei ki jaka ruh ki la nangphet ban leit sah sha kiwei pat ki jaka.
[ad_2]