Swargathinte Rosapoove – സ്വർഗ്ഗത്തിൻറെ റോസാപ്പൂവേ
Swargathinte Rosapoove – സ്വർഗ്ഗത്തിൻറെ റോസാപ്പൂവേ
സ്വർഗ്ഗത്തിൻ റോസാപ്പൂക്കൾ
സ്വർഗ്ഗത്തിൻ റോസാപ്പൂക്കൾ
അനസ്യൂതം വർഷിച്ചിടും
സ്നേഹത്തിൻ വെള്ളരിപ്രാവു നീയെ.
കൊച്ചുപുണ്യങ്ങളാൽ ഈശോയെ സ്നേഹിച്ചു
കുറുക്കുവഴികളാൽ പറുദീസ പുൽകിയ
തിരുമുഖത്തിൻ ചെറുപുഷ്പം നീയേ..
ത്രേസ്യാ..കൊച്ചുത്രേസ്യാ..
ത്രേസ്യാ..കൊച്ചുത്രേസ്യാ..
കോറസ്
സഹനം തിരുഹൃദയെ പനിമലരായ്ചൂടാൻ
സ്നേഹം നിറതിരിപോൽ പകർന്നേകണമെ.
നിൻ ചാരെ ചെറു പൈതലായ് ചിരിതൂകാൻ
ഹൃദയം മണൽതരിപോൽ ചെറുതാക്കീടണെ.
അനുപല്ലവി.
കർമ്മലസഭയുടെ നിർമ്മലസുമമായ്,
സ്വർഗ്ഗീയ സ്വപ്നത്താൽ നിൻ ഹൃദയം നിറച്ചു.
കൃപയാൽ നിറഞ്ഞു കൃപാഗ്നിയാൽ ജ്വലിച്ചു നീ
രക്ഷതൻ താരകമായ് തിളങ്ങി
അറിവിൻറെ ദർപ്പണമായ്മാറി.
ചരണം
അന്തരാത്മാവിൻ നിരന്തരധ്യാനത്താൽ,
ആത്മീയ രഹസ്യത്തിൻ പൊരുളുകൾ നീ അറിഞ്ഞു
കുരിശാൽ ഉരുകി നീ ക്രൂശിതസ്നേഹത്താൻ
എരിയും രക്തസാക്ഷിപോൽ വിളങ്ങി
ഈശോയുടെ കൊച്ചുറാണിയായി.