Trai To pynim ïa la ka Balang. Khasi Gospel Song ( Iaitreilang Warjri)

Trai To pynim ïa la ka Balang. Khasi Gospel Song ( Iaitreilang Warjri)
KI KAM 15
Ka jingïalang ha Jerusalem
1 Katto katne ngut ki rangbah ki la wan na Judia sha Antiokh bad ki la sdang ban hikai ïa ki parabangeit, “Phim lah ban lait im lymda la otsher ïa phi kumba ka Hukum u Moses ka dawa.” 2U Paul bad u Barnabas ki la poi sha ka jingïasaid nia kaba jur bad ki shaphang kane, kumta la ïakut ba u Paul bad u Barnabas bad katto katne ngut kiwei pat ha Antiokh ki dei ban leit sha Jerusalem bad ïakynduh ïa ki apostol bad ki nongsharai balang shaphang kane ka kam.
3La leit on lynti ïa ki da ka balang; bad kaba ki dang leit lyngba ka Phoenisia bad ka Samaria, ki la ïathuh kumno ba ki Jentil ki la phai sha U Blei; kane ka khubor ka la wallam ka jingkmen bakhraw ïa ki parabangeit baroh. 4Haba ki la poi ha Jerusalem, la pdiang sngewbha ïa ki da ka balang, da ki apostol bad ki nongsharai balang, ha kiba ki la ïathuh ïa baroh kaba U Blei u la leh lyngba jong ki. 5Hynrei katto katne ngut ki parabangeit kiba long na ka kynhun jong ki Pharisi ki la ïeng bad ki la ong, “Ïa ki Jentil dei ban otsher bad bthah ban kohnguh ïa ka Hukum jong u Moses.”
6Ki apostol bad ki nongsharai balang ki la ïakynduh lang ban pyrkhat ïa kane ka jingkylli. 7Hadien ka jingïatainia kaba slem u Petros u la ïeng bad u la ong, “Ko hynmen ko para jong nga, phi tip ba la kham slem mynshuwa U Blei u la jied ïa nga napdeng jong phi ban ïalap ïa ka Khubor Babha sha ki Jentil, khnang ba ki lah ban ïohsngew bad ngeit. 8Bad U Blei, uba tip ïa ki jingpyrkhat jong uwei pa uwei, u la pyn-i ïa ka jingmynjur ïa ki Jentil da kaba ai ïa U Mynsiem Bakhuid ha ki, kumba u la leh ha ngi. 9Um shym la pynïapher ei ei hapdeng jong ngi bad ki; u la map ïa ki pop jong ki namar ba ki la ngeit. 10Kumta te, balei mynta phi kwah ban tynjuh ïa U Blei da kaba buh ka jingkit halor ki met jong ki parabangeit ïa kaba ym don ki kpa tymmen jong ngi lymne ma ngi hi kiba lah ban kit? 11Em! Ngi ngeit bad la pynim ïa ngi da ka jingaiei jong U Trai Jisu, kumba long ma ki.”
12Ka kynhun baroh kawei ka la sngap jar katba ki dang sngap ïa ka jingïathuh jong u Barnabas bad u Paul ïa ki kambah bad ki kamphylla baroh kiba U Blei u la leh lyngba jong ki hapdeng ki Jentil. 13Haba ki la dep kren, u Jakob u la ong: “To shahshkor ïa nga, ko hynmen ko para jong nga! 14U Simon u dang shu dep batai kumno ba U Blei u la pyn-i nyngkong ïa ka jingpyrkhat na ka bynta ki Jentil da kaba shim napdeng jong ki ïa u paidlang ban long u jong u. 15Ki kyntien jong ki nongïathuhlypa ki ïamynjur tylli bad kane. Kumba ka Jingthoh Bakhuid ka ong:
16 “ ‘Hadien kane ngan wan phai pat, ong U Trai,
bad ngan pynïeng pat ïa ka hima jong u Dabid.
Ngan tei pat ïa kaba la jot jong ka
bad ngan pynkhlaiñ pat ïa ka.
17Bad kumta baroh kiba sah na u bynriew kin wan sha nga,
baroh ki Jentil ïa kiba nga la khot ban long ki jong nga.
18Kumta ong U Trai, uba la pyntip ïa kane slem bah mynshuwa.’
19“Ka long ka jingpyrkhat jong nga,” u Jakob u la ong, “ba ngim dei ban pynjynjar ïa ki Jentil kiba la phai sha U Blei. 20Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam. 21Naba ïa ka Hukum u Moses la pule la slem bah ha ki synagog man la ka sngi Sabbaton, bad ïa ki ktien jong u la ïalap ha man ki shnong.”
Ka shithi sha ki riewngeit Jentil
22Nangta ki apostol bad ki nongsharai balang lem bad ka balang hi baroh kawei, ki la ïakut ban jied katto katne ngut ki rangbah na ka kynhun bad phah ïa ki sha Antiokh lem bad u Paul bad u Barnabas. Ki la jied ar ngut ki rangbah kiba la ñiewburom shikatdei eh da ki riewngeit, u Judas, ïa uba la khot u Barsabbas, bad u Silas, 23bad ki la phah ïa kane ka shithi harum lyngba jong ki:
“Ma ngi, ki apostol bad ki nongsharai balang, ki hynmen ki para jong phi, ngi phah ki jingkhublei ïa ki hynmen ki para jong ngi kiba la kha na ki Jentil kiba shong basah ha Antiokh, ha Syria bad ha Kilikia. 24Ngi la ïohsngew ba katto katne ngut kiba la leit na ka kynhun jong ngi kiba la pynjynjar bad pynkhuslai ïa phi da kaei kaba ki la ong; pynban, kim shym la ïohpdiang kano kano ka jingbthah na ngi. 25Bad kumta ngi la ïakynduh lang bad baroh ngi la ïamynjur ban jied katto katne ngut ki nonglamktien bad phah ïa ki sha phi. Kin ïaleit bad ki paralok ba-ieit jong ngi: U Barnabas bad u Paul, 26kiba ka kheiñduh ïa la ka jingim ha ka jingshakri ïa U Jisu Khrist uba U Trai jong ngi. 27Ngi phah ha phi, te, ïa u Judas bad u Silas, ki ban ïathuh ïa phi markhmat ïa kijuh kiei kiei kiba ngi thoh. 28U Mynsiem Bakhuid bad ma ngi, ngi la ïamynjur ban ym buh kano kano ka jingkit halor jong phi nalor kine ki rukom kiba donkam: 29Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”
30La phah ïa ki nonglamktien bad ki la leit sha Antiokh, ha kaba ki la lumlang ïa ka kynhun baroh jong ki parabangeit bad ki la ai ha ki ïa ka shithi. 31Haba ki paidbah ki la pule ïa ka, la pyndap ïa ki da ka jingkmen da ka khubor ka jingpynshlur. 32U Judas bad u Silas, kiba long hi ki nongïathuhlypa, ki la kren slem bad ki, da kaba ai ha ki ka jingpynshlur bad ka jingpynkhlaiñ. 33Hadien ba ki la pynlut katto katne por hangta, la phah noh ïa ki ha kaba suk da ki parabangeit bad ki la leit phai pat sha kito kiba la phah ïa ki. 34Hynrei u Silas u la kut jingmut ban sah hangta.
35U Paul bad u Barnabas ki la pynlut katto katne por ha Antiokh, bad ryngkat lem bad bun kiwei pat, ki la hikai bad ïalap ïa ka ktien jong U Trai.
U Paul bad u Barnabas ki ïakhlad paralok
36Hadien katto katne por, u Paul u la ong ïa u Barnabas, “Ïa ngin ïaleit phai pat bad leit jngoh ïa ki hynmen ki para jong ngi ha man la ka shnong ha kaba ngi la ïalap ïa ka ktien jong U Trai, bad to ngin wad kumno ki ïalong.” 37U Barnabas u la kwah ban ïalam ïa u Ïoannis Markos lem bad ki, 38hynrei u Paul um shym pyrkhat ba ka long kaba dei ban ïalam ïa u, namar um shym la sah bad ki haduh kaba kut ka kam jong ki, hynrei u la leit phai pat bad u la iehnoh ïa ki ha Pamphylia. 39La don ka jingïania kaba tyngeh, bad ki la ïakhlad paralok: U Barnabas u la ïalam ïa u Markos bad u la leit da ka lieng sha Sypros, 40katba u Paul u la jied ïa u Silas bad u la leit noh, la aiti ïa ki da ki riewngeit ha ka jingïada jong ka jingaiei jong U Trai. 41U la leit lyngba ka Syria bad ka Kilikia, u da pynkhlaiñ ïa ki balang.

Composer: Iaitreilang Warjri

Disclaimer : " The Lyrics are the property and Copyright of the Original Owners, Lyrics here are For Personal and Educational Purpose only! Thanks."

      Tamil Christians Songs Lyrics

      Christian music has long been a powerful source of inspiration, comfort, and encouragement for believers around the world. Rooted in biblical truths and themes, Christian songs offer a unique blend of beautiful melodies and meaningful lyrics that touch the hearts of listeners. In this article, we will explore some of the most uplifting Christian song lyrics that continue to resonate with people, nurturing their faith and bringing hope in challenging times.

      Disclosures

      Follow Us!

      WorldTamilchristians-The Collections of Tamil Christians songs Lyrics
      Logo