Bunsien ngi thrang ban pynbha song lyrics

Bunsien ngi thrang ban pynbha song lyrics

1. Bunsien ngi thrang ban pynbha la Jaitbynriew,
Ngi ïai angnud la Ri shaphrang ban kyntiew;
Pynban jingdum u lyoh ïa ngi u wan ban shoh,
Haba jingsniew naduh Rympei hi ka kren briew.

Balei ïa ngi ko khun ka Ri, Jingsyier ka klun tylli,
Ym don jingshngaiñ, Ym don jingsuk, hapdeng para ma ngi;
Tang jingïashun, Tang jingïapen, Tang jingïapher suda,
Tang jingïashrut, Jingïakajia, Kumno sha ngin ïoh jingbha?

2. Ki diengpyngkiang na la ïing mynta ki sdang,
Nongwei-nongar u thombor ngim lah ban khang;

Bunsien bunsien ngi la shah rkhie beiñ ha kiwei,
Jingpait-jingpra pen ryngkew ki la paw pyrthei.

Balei ïa ngi ko khun ka Ri, Jingjot ka kam kynti,
Haduh habar, Naduh na ïing, Ngi shun para ma ngi;
Tang jingpihuiñ, Tang jingbishni, Tang ki jingïakdewkti,
Khlem da pyrkhat lawei ka Ri, Ym lah mo ban ïa tylli?

3. Ban kiew kiwei ngi wad dong ngi ïa kynad,
Duh thiah-duh dem ma ngi ïa ki ban khanglad;
Jinglong kawei kum shipara kam don satia,
Shakhlieh ban kiew la Rympei shwa dei ban pynbha.
Balei ïa ngi kumne ka jia, Phi la ju pyrkhat bha ?
Lawei ka Ri, Lashai-shisngi, Ka shong ha nga ha phi;
Jingartatien wat ai kan lap, Jingkyrmen kam pat ïap,
Ko Khun Phrangsngi ! Ko Thei Kynsai ! Pyrkhat lem lawei ka Ri.

Hmm….Hmm…Hmm…

Share on WhatsApp

Previous

Samarthi jeevit vachan, Hindi Christian song (Female version).

Next

Merciful God - Slow to Anger