Gaionacho Jhelo – Charxim vorsam sortôch

Gaionacho Jhelo – Charxim vorsam sortôch

Refrain 1: Porjê Mhojê, Hanvem tuka kitem kelam?
vô Hanvem tuka kosli dukh dilea?
Mhaka zobab di!

01 Charxim vorsam sortôch
gulamanchem rudon
korunnaien thamboun,
Ejipt pordesantli
tuka Hanvem kaddli.
Tori tunvem Mhaka,
Tujea Soddvonnarak,
onupkari kallzan
khuris toiar keloi!

02 Challis vorsam Hanvem
oronneant rakhun samball’n
tuka choloun vheli,
man’na diun pôsli,
ut’tôm desant haddli.
Tori tunvem Mhaka,
tujea Soddvonnarak,
onupkari kallzan
Khuris toiar keloi!

03 Tujê khatir kitem
korchem aslem Hanvem
korinastam sôddlem?
Sundôr dakê vori
tuka Hanvem roili.
Tori Mhaka tunvem
fokot dukhi dileoi:
tanek Mhojê xirko,
Mhojê kuxik bhalo!

04 Tujea moga khatir
Ejiptachea lokak
vhôdd khast Hanvem laili:
malgoddeancho Hanvem
sarko vinas kelo.
Tori Mhojer tunvem
nixttur darunn kallzan
mapa-mezpa vorte
jerbond marunk lailei!

05 Sogllê foujê songim
Farau-Razak Hanvem
Tambddea Doriant buddoun,
Ejiptantli tuka
bollixtt hatan kaddli.
Tori tunvem Mhaka,
Tujea Soddvonnarak,
mukhel iadnikanchea
hatan vikun diloi!

06 Tujê mukhar Hanvem
Tambddo Doria fanttoun,
rosto ugto kelo:
svotontraiechê vatter
tuka Hanvem ghali
Tori nixttur hatan
bhalo dhorun tunvem
Kalliz Mhojem vidhlei,
Koddvoll fanttoun soddlei.

07 Bhasailolea Desant
tuka vhorun pavounk,
or’nneant rosto dakhoun
kupa-khambea rupan
tujê mukhar gelom.
Tori bobô marun,
Mhojer boglantt ghalun,
Pilatachê adhin
tunvem Mhaka keloi!

08 Or’nneant ojap korun
tujê bhukek Hanvem
sorga-jevonn dhaddlem:
man’na diun tuka,
challis vorsam pôsli.
Tori Mhojea jevnnak
tunvem dilei kitem?
Tonddar Mhojea thapttam,
Mhojê pattir jerbond!

09 Tanen vollvolltanam,
tuka Mhojea huk’man
khoddpan udok dilem,
Or’nneant futtleô zhori,
tuka dhadôs keli.
Tori mhojê tanek,
zoran lastê jibek,
tunvem diloi xirko,
koddu pinta-pinnem!

10 Tujea mogan Hanvem
Kananevam razank
marun xevttun sôddle.
Dusman soglle bhongle,
Mhoji porza vanchli.
Tori, sogllem visrun,
darunnaien tunvem
Mhojê nazuk tokler
Nibran marlei chive!

11 Xennantulea kiddea,
tuka doien ubar’n
Hanvem kunvôr kelo:
tujea hatant dilo
koutik raiall beto.
Tori Mhaka, Raiak,
kenddnnecho mal korun,
Mhojê tokler tunvem
kantteam-mukutt ghaloi!

12 Vhoddlê podven Hanvem
tuka, kirkôll rochnnek,
unch-unch ubar’n vheli:
pãiam-pondlê dhullik
mollbar uklun dov’rli.
Tori tunvem Mhaka,
Tujea Rochnnar-Devak
kiddea sarko korun
khursar umkollailoi!

Share on WhatsApp

Previous

Power | Live | Elevation Worship

Next

Gabriela Rocha, Kim Walker-Smith – Seu Nome É Amor Love Has a Name