Gavyam Gloria – ಅಂತ್ರಳಾರ್ ನೆಕೆತ್ರ ಉದೆಲಾ Konkani Christmas Song
ಅಂತ್ರಳಾರ್ ನೆಕೆತ್ರ ಉದೆಲಾ
ಭೂಂಯ್ತಳಾರ್ ದೇವ್ ಮನಿಸ್ ಜಾಲಾ
ಶಾಂತಿ ಕುಂವರ್ ಶಾಂತಿ ಹಾಡ್ನ್ ಆಯ್ಲಾ
ಸರ್ಗಾ ಸಂಸಾರಾರ್ ಪ್ರಕಾಸ್ ಫಾಂಕ್ಲಾ.
ಬೆತ್ಲೆಮಾಚ್ಯಾ ಶೆರಾಂತ್ ಗೊರ್ವಾಂಚ್ಯಾ ಖಾವ್ಣೆಂತ್
ಜೆಜು ಸಡ್ವೊಣ್ದಾರ್ ಜಲ್ಮಾಲಾ
ಮರ್ಯೆಚ್ಯಾ ಗರ್ಭಾಂತ್ ಪಾತ್ಕಿ ಸಂಸಾರಾಂತ್
ಮನ್ಶ್ಯಾರೂಪ್ ಘೆವುನ್ ತೊ ಆಯ್ಲಾ.
ಗಾವ್ಯಾಂ ಗ್ಲೋರಿಯಾ ಆಮಿಂ
ಜಲ್ಮಾಲಾ ಆಮ್ಚೊo ಸೊಮಿಂ
ಲಾಗಿಂ ಪಾವ್ತಾನಾಂ ಬಾಪಾನ್ ನೆಮ್ಲೊ ತೊ ವೇಳ್
ಮರ್ಯೆಕ್ ಇಜ್ಬಿ ಹಾಡುನ್ ಆಯ್ಲೊ ದೂತ್ ಗಾಬ್ರಿಯೆಲ್
ತಿಚ್ಯೆ ಉದರಿ ಜಲ್ಮಾಲಾ ದೇವ್ ಇಮಾನುವೆಲ್
ಮಹಿಮಾo ಗಾಯ್ತಾತ್ ಉಂಚ್ ಸರ್ಗಿಂ ಆಂಜ್ಯಾಂಚೊ ಮೇಳ್.
ಮರಿಯೇ ಮುಖಾಂತ್ರ್ ಧರ್ತೆಕ್ ತೊ ಪಾವ್ಲೊ
ಬೆತ್ಲೆಮಾಂತ್ ಜಲ್ಮ್ ತಾಣೆಂ ಘೆತ್ಲೊ
ಮನ್ಶ್ಯಾಕುಳಾಚೊ ರಕ್ಷಕ್ ತೊ ಜಾಲೊ
ಸಗ್ಳ್ಯಾ ಸಂಸಾರಾರ್ ಉಜ್ವಾಡ್ ಫಾಂಕ್ಲೊ.
ಜೆಜು ಬಾಳ್ಕಾಕ್ ನಮಾನ್ ಕರ್ಯಾಂ
ಮೊಗಾಚಿ ಕಾಣಿಕ್ ಹಾಡ್ಯಾಂ
ಸಂತೊಸಾಚಿಂ ಗೀತಾಂ ಗಾವ್ಯಾಂ
ಹಾಸೊನ್ ನಾಚೊನ್ ಖುಶಾಲ್ ಜಾವ್ಯಾಂ.
ಗೊವ್ಳ್ಯಾನಿಂ ರಾಯಾನಿಂ ಕೆಲೊ ನಮಾನ್ ಬಾಳ್ಕಾಕ್
ಮೆಸ್ಸಿಯಾ ಆಯ್ಲಾ ಪಾತ್ಕಾಥಾ೦ವ್ನ ಆಮ್ಕಾಂ ಸೊಡೊಂವ್ಕ
ಜೆಜು ಹಾಡ್ನಂ ಆಯ್ಲಾ ಸರ್ಗಿಂಚ್ಯೆ ರಾಜ್ ಮನ್ಶ್ಯಾಕುಳಾಕ್
ನತಲಾಚೊ ಸಂತೋಸ್ ವಾಂಟುನ್ ಘೆವ್ಯಾಂ ಎಕಾಮೆಕಾಕ್