god medias ഏഴു നക്ഷത്രം വലങ്കൈയ്യിൽ – Ezhunakshathram valankaiyyil
ഏഴു നക്ഷത്രം വലങ്കൈയ്യിൽ പിടിച്ച്
ഏറെ രാജാമുടി ശിരസ്സതിൽ ധരിച്ച്
ഏഴുപൊൻ നിലവിളക്കുകളതിൻ നടുവിൽ
എഴുന്നള്ളി വന്നോനെ(2)
1 ദാവിദുഗോത്രത്തിൻ സിംഹമായോനെ
ദാവിദിൻ താക്കോൽ കൈയ്യിലുള്ളവനെ
നീ തുറന്നാൽ അത് അടയ്ക്കുവതാര്
നീ അടച്ചാൽ അത് തുറക്കുവതാര്
2 ദൂതസഞ്ചയത്തിൻ ആരാധ്യൻ ക്രിസ്തു
പുസ്തകം തുറപ്പാൻ യോഗ്യനായോനേ
മടങ്ങിടുമേ സർവ്വമുഴങ്കാലുകളും
എല്ലാ നാവും പാടിടും നിന്നെ
3 മുൾമുടി ചൂടിയ ശിരസ്സിൽ ഹാ അന്നാൾ
പൊൻമുടി ചൂടി താൻ എഴുന്നെള്ളിവരുമെ
വാഴ്ച്ചകൾക്കും അധികാരങ്ങൾക്കും-അന്ന്
മാറ്റം ഭവിച്ചിടും താതന്റെ വരവിൽ
