god medias Naalo Neevu Neelo nenu song lyrics – నాలో నీవు నీలో నేను
పల్లవి : నాలో నీవు – నీలో నేను ఉండాలనీ
నీ యందే పరవశించాలని
నా హృదయ ఆశయ్యా
ప్రియుడా యేసయ్యా
- కడలి యెంత ఎగసిపడినా
హద్దు దాటదు నీ ఆజ్ఞలేక
కలతలన్ని సమసిపోయే
కన్న తండ్రి నిను చేరినాక
కమనీయమైనది నీ దివ్య రూపము
కలనైనా మరువను నీ నామ ధ్యానము
llనాలో నీవు|| - కమ్మనైనా బ్రతుకు పాట
పాడుకొందును నీలో యేసయ్యా
కంటి పాప యింటి దీపం
నిండు వెలుగు నీవేకదయ్యా
కరుణా తరంగము తాకేను హృదయము
కనురెప్ప పాటులో మారేను జీవితం
||నాలో నీవు|| - స్నేహమైనా సందడైనా
ప్రాణమైనా నీవే యేసయ్యా
సన్నిదైనా సౌఖ్యమైనా
నాకు ఉన్నది నీవేకదయ్యా
నీలోనే నా బలం నీలోనే నా ఫలం
నీలోనే నా వరం నీవేగ నా జయం
||నాలో నీవు||
